සයන්ස් ෆික්ෂන් "Sci Fi" හෙවත් විද්‍යා ප්‍රබන්ධ ගණයේ ලා සැලකෙන චිත්‍රපට, නවකතා, කෙටිකතා හෝ එවැනි නිර්මාණ ඔස්සේ දලුලන සිතුවිලි මානව සමාජය විශාල දුරකට ගෙන ගොස් තියෙනව. අමුතුම විසිතුරු මනෝ ලොවකට අපව රැගෙන යනව. ඒ ෆැන්ටසිය හෙවත් මනස්සෘෂ්ටිය විසින් බොහෝ දේ හිතන්න කියා දෙනව. මනුෂ්‍යත්වයේ භාවමය සිතුවිලි හැඟීම් සියුම්ව හසුරුවමින් විද්‍යා හා තාක්ෂණ තර්කනය පදනම් කරගෙන එය සත්‍ය වශයෙන්ම සිදුවන්නක් ලෙසට දනවනව. ඕනෑම සාර්තක කලා නිර්මාණයක් වූකලි එය සත්‍ය වශයෙන්ම සිදුවන සිද්ධියක් බවට ප්‍රේක්ෂකයින් හිතාමතාම මොහොතකට තමන්ව රවටා ගෙන ඒ තුළ ජීවත්වනව. ඒ ගුණය ඇති කිරීමට ඒ නිර්මාණයේ සිද්ධි ගලායාම තාර්කික ලෙසත් යම් තාක්ෂණික විද්‍යානුකූල පදනමක් මත සකස් විය යුතුමයි. එහෙත් "Sci Fi" නිර්මාණ වල ඒ ගුණයට අමතරව හුදු තාක්ෂණික විද්‍යනුකූල සංදර්භයක් තුලටම ගොස් ඒ තියරිය සත්‍යකරවා ප්‍රේක්ෂකයා ඒතුල ජීවත් කරවනව.
පහුගිය ටිකේ එවැනි "Sci Fi" චිත්‍රපට කීපයක් බැලුව ෆෙන්ස්. එකක් බලපුවහම තව එකක් බලන්න හිතෙන තරම් ෆැන්ටසියක ගාල් වෙනව. භාව, අනුභාව හා ව්‍යභිචාරිභාව යනුවෙන් රස නිශ්පත්තිය ගැන පෙරදිග ඉගැන්වීමේ සඳහන් ආතල් එක නියමෙටම එනව. සයන්ස් ෆික්ෂන් හොරර් යන ඒව බැලුවම නින්දගියාමත් ඒ චිත්‍රපට වල යම් යම් සිදුවීම් විකාර විදියට පෙනිල මාර වාතයක් වෙන තරම්. ඒ කියන්නෙ ඒ නිර්මාණ ගානටම හිත පතුලටම කිඳා බහිනව.
මම බලපු මේ සමහර
චිත්‍රපට හුඟක් පැරණියි. සමහර ඒව ටිකක් අලුත්. ඒත් ඒවයෙ තාක්ෂණික විද්‍යනුකූල ගෙතුම අනුව තාම නැවුම්..
චිත්‍රපට හුඟක් පැරණියි. සමහර ඒව ටිකක් අලුත්. ඒත් ඒවයෙ තාක්ෂණික විද්‍යනුකූල ගෙතුම අනුව තාම නැවුම්..
1. ස්ටීවන් ස්පිල්බර්ග්ගෙ Close Encounters of the Third Kind. ඒක 1977 නිපදවුවත් අදටත් ඒක බලන්න හිතෙනව. හදුනානොගත් ආකාස වස්තු හෙවත් පියාඹන පීරිසි (UFO) ගැන ආන්දෝලනාත්මක චිත්‍රපටයක්.
2.Splice ස්පලයිස් හෙවත් පිරිද්දුම (2009 කැනඩා-ප්‍රංශ චිත්‍රපටයක්- අධ්‍යක්ෂණය වින්සෙන්සෝ නටලි- Sci Fi-Horrer)- ජාන ඉංජිනේරු තාක්ෂණය යොදාගෙන තරුණ විද්‍යාඥ යුවලක් විවිධ සත්ව සහ ශාක ජාන සමඟ හොරෙන් මානව ජානත් කලවම්කරල අමුතු ජාතියෙ ජීවියෙක් හදල සිද්දවෙන හුටස්පරය මේ කතාවෙ තියනව. අදරය කරුණාව මනුෂ්‍යත්වය අවධානම අත්වැරදීම් නිර්දය ගතිය ප්‍රචණ්ඩකාරී සත්තව ස්වරූපය ආදී බොහෝ දෑ ගැඹුරටම දැනෙනව. ( මට තාම හීනෙන් පේනව පේනව වගේ..)
3. Stargate (1994- අධ්‍යක්ෂණය රෝලන්ඩ් එමරිච්-Sci Fi-Adventure )- ඊජිප්තුවෙ පුරාණ පිරමිඩයක වූ තාරකා දොරටුවක් සොයාගෙන තරුණ විද්‍යාඥයෙකු සහ ඇමරිකානු විශේෂ භටපිරිසක් සමඟ වෙනත් මානයක වූ මානව ලෝකයකට ගොස් සිදුවන මාර කතාවක් මේකෙ තියෙනව.
4.Species ( 1995 දි මෙහි පළමු චිත්‍රපටයද, 1998, 2004 සහ 2007 වසර වල මෙය චිත්‍රපටි සීරීස් එකක් විදියට එනව. Sci Fi-Horrer- අධ්‍යක්ෂකවරු 4දෙනෙක් යටතෙ )- විද්‍යාඥයින් විශ්වයේ දියුණු ජීවීන් සොයා යැවූ එරිසිබෝ (Arecibo) පණිවුඩ අනුව මිතුරු වෙසින් එක්තරා ජීවී විශේෂයක් පෘතුවි වද්‍යාඥයින්ට සම්බන්ධවෙනව. ඔවුන් එවූ ඩීඑන්ඒ සාම්පලය මගින් මානව ජාන එකට පුරුද්දල ජීවියෙක් හදනව. ඇය නමින් සිල්. මාස තුනේදි වයස අවු 13ක තරමට වැඩෙනව. අන්තිමේ සිල් දෙපිටින් ගොසින් සිල් දුසිල් වෙලා අතිශය ප්‍රචණ්ඩකාරි සහ බියකරු ජීවියකු ලෙස හැසිරෙනව. ඇයව සයනයිඩ් ගෑස් යොදා මරාදමන්න හැදුවත් ඇය පැනයනව. අනෙ අම්බෝ ඊට පස්සෙ වෙන දේවල්..?
මේව බලපු මිතුරු මිතුරියො ගොඩක් ඇති. ඒ අයටත් මේව දැනිල ඇති කියල හිතනව.
